Byenvini nan kou kreyòl ayisyen an! Nou kontan anpil dèske ou deside patisipe nan kou sa a kote nou pral ba ou tout resous ki nesesè pou w prepare tèt ou pou w kapab patisipe nan nenpòt konkou kap fèt sou lang kreyòl ayisyen an. Nan kou sa a, ou pral jwenn tout resous ak gid nesesè yo pou w kapab pale, li, konprann ak ekri kreyòl ayisyen an byen epi pale li avèk anpil konfyans.
Objektif kou a
Pèmèt ou aprann pale, li, konprann ak ekri an kreyòl ayisyen nan yon nivo avanse;
Prepare w pou w reyisi nenpòt ki konkou kap fèt an kreyòl ayisyen an san okenn kè sote;
Remete w an kontak ak kilti ayisyen an ak pèmèt ou wè enpòtans lang sa a pou kilti peyi a;
Poukisa li enpòtan pou w aprann li, pale ak ekri Kreyòl Ayisyen an byen?
Fasilite Kominikasyon : li, pale ak ekri kreyòl ayisyen an byen kapab ede w kominike pi byen ak tout moun ki pale lang sa a epi pèmèt ou gen plis konfyans nan tèt ou lè wap kominike.
Ranfòse idantite w : Aprann li, pale ak ekri kreyòl ayisyen an byen se yon fason pou ou rann omaj ak kontribisyon kiltirèl ak kreyatif pèp ayisyen an.
Plis opòtinite : Sa ka ede w jwenn plis opòtinite paske se yon lang an plis ou byen metrize.
Skip to content 
